Fiskereglar for Stordalsvatnet
Det er i all hovudsak same fiskereglar som gjeld for alle vassdrag i fylket der det finnes anadrom fisk (Laks og sjøaure).
Her er ei kortfatta oversikt over fiskereglar for Stordalsvatnet:
Fiskereglar i Stordalsvatnet i Etne kommune
For Stordalsvatnet gjeld følgjande fiskereglar:
Fiskekort må løysast.
Stong og handsnøre
Fiske etter innlandsfisk er tillete heile året i Stordalsvatnet med stong og handsnøre. Men utanom lovleg fisketid for anadrom laksefisk (når det er ope for slikt fiske) er det ikkje tillete å fiska nærare enn 100 meter frå innos og utos.
I tida 15.6.-15.8 (fisketida for laks og sjøaure), må fiskaravgift til staten og betalast for fiske i Stordalsvatnet, i tillegg til fiskekort.
Oter
Ein kan fiska med oter etter innlandsfisk, men berre i tida 15.5- 31.8. (15.7. tidlegare)Men heile fiskereiskapen skal til ei kvar tid være minst 100 m frå innos og utos.
Not, ruse og fastståande reiskap
Kan kun nyttast til fiske etter innlandsfisk dersom ein har fått løyve frå Fylkesmannen. Hugs at ål er freda.
Setjegarn(botngarn,flytegarn)
Garn med maskevidde 21-39 millimeter(30-16(endring frå 22) omfar) kan nyttast heile året i Stordalsvatnet. Men i perioden 16. juli- 14.mai,skal heile fangsdelen til garnet være minst 5 meter under vassyta. Garn skal alltid stå minst 200 meter frå inn-og utos.
Der Stordalsvatnet har ei breidde som er mindre enn 200 meter, er det forbod mot fiske med setjegarn. Dette gjeld heile året.
Garn må ikkje setjast ut slik at det fiskar i meir enn fjerdedelen av innsjøen si minste breidd på fiskeplassen, også medrekna avstand til øy/holme/skjer i innsjøen.
Garn må ikkje setjast på ein slik måte at det er nærliggjande fare for fangst av anadrom laksefisk, eller på ein slik måte at det hindrar fri gang for anadrom laksefisk.
Kvart garn som vert sett ut, skal merkast med synleg flottør, med fiskaren sitt namn og adresse, eller namn og telefonnummer.
Påbod om utsetjing av anadrom laksefisk, fanga i Stordalsvatnet
(faximile frå Fylkesmannen i Hordaland sine nettsider) Link til sida finn du HER
- Betaling av fiskaravgift på www.dirnat.no
Den som eig fiskerett til laks, sjøaure eller sjørøye har plikt til å sende inn rapport om fangsten seinast ein månad etter at fisket er slutt. Det skal rapporterast både om avliva fisk og gjenutsett fisk. Rapporteringa skal gjerast på det sentrale registeret fangstrapp.no
Tillatte reiskap
Fisketider
Fisketidene for fiske etter laks og sjøaure i alle vassdrag er regulert i den landsdekkjande forskrifta Forskrift om fisketider for laksefiske i vassdrag. Det er elles lov å fiske heile året etter laksefisk i nokre kraftverkskanalar og fossar, sjå Forskrift om opning av fiske etter anadrome laksefisk i vassdrag, Hordaland.
Det er tillatt å fiske innlandsfisk i innsjøar, jf Forskrift om innlandsfiske, Hordaland.
Lov om laks- og innlandsfisk med tilhøyrande sentrale og lokale forskrifter set dei ytre rammene for fisket. Rettshavarane kan fastsetje eigne lokale fisketider innanfor desse rammene.
